Ot sporti. Ostonada konkur bo'yicha FEI World Challenge finali — mavsumning eng yirik xalqaro musobaqalaridan biri bo‘lib o‘tadi
27–31 may kunlari Ostona shahrida ot sportining to‘siqlardan sakrash (konkur) yo’nalishi bo‘yicha FEI World Challenge finali — mavsumning eng yirik xalqaro musobaqalaridan biri bo‘lib o‘tadi.
Finalda dunyoning 11 mamlakatidan 20 ta sport juftligi ishtirok etadi. Ushbu nufuzli turnirda O‘zbekistonterma jamoasi a’zolari A’zam Talibbayev va Bekzod Rozmuhamedovlar ishtirok etishadi.
O‘zbekistonlik sportchilarning FEI World Challenge finalida ishtirok etishlari muhim yutuq bo‘lib, milliy chavandozlarning xalqaro maydondagi yuqori tayyorgarlik darajasini tasdiqlaydi.
Yaqinlashib kelayotgan ushbu musobaqalar sportchilarga o‘z mahoratini namoyish etish, qimmatli xalqaro tajriba orttirish hamda O‘zbekistonni ot sporti bo‘yicha xalqaro arenada munosib tarzda namoyish etish uchun yaxshi imkoniyat yaratadi.
