Ot sporti. H.H. Sharjah Ruler Cup 2026
19–22-fevral kunlari Sharjah shahrida (Birlashgan Arab Amirliklari) ot sportining to’siqlardan sakrash (konkur) yo’nalishi bo‘yicha nufuzli xalqaro musobaqa — H.H. Sharjah Ruler Cup 2026 bo‘lib o‘tadi.
Musobaqa doirasida CSI2* va CSI5* toifalaridagi yo‘nalishlar tashkil etiladi. Unda dunyoning turli mamlakatlaridan kelgan sportchilar ishtirok etib, turnir yuqori raqobat va xalqaro miqyosdagi nufuzli start sifatida e’tirof etiladi.
Mazkur musobaqada O‘zbekiston terma jamoasi ham ishtirok etadi:
• Baxromjon Gaziyev
• Abdullayev Feruz
• Kurbanov Bekzod
• Abdullayev Abdurahmon
• Sharipov Akbar
Bunday darajadagi musobaqada qatnashish sportchilarimiz uchun muhim xalqaro tajriba va o‘z mahoratini nufuzli maydonda namoyish etish imkoniyatidir.
Terma jamoamizga ishonchli chiqishlar va munosib natijalar tilaymiz.
