Osiyo ot sporti federatsiyasining navbatdagi Bosh Assambleyasi bo‘lib o‘tdi
Ushbu konferensiyada O‘zbekiston yilqichilik va ot sporti federatsiyasi raisi Gaziyev Bahromjon Valiyevich, federatsiya bosh kotibi Aloxo‘ja Shodixo‘jayev hamda xalqaro bo‘lim boshlig’i Akbar Kurbanov ishtirok etdi.
Assambleya davomida Osiyoda ot sportini rivojlantirish, xalqaro hamkorlikni kengaytirish, musobaqalar tizimini takomillashtirish hamda federatsiyalar o‘rtasidagi hamkorlik masalalari muhokama qilindi.
Osiyoda ot sportining to’siqlardan sakrash (konkur) va ot yo’rttirish (viyezdka) yo’nalishlarini rivojlantirish dasturlari, FEI Osiyo va Janubi-Sharqiy Osiyo o‘yinlari, 2026-yilgi xalqaro musobaqalar taqvimi hamda AEF’ning media va raqamli platformalarini rivojlantirish masalalari ko‘rib chiqildi.
Yig‘ilish yakunida 2027-yilgi Osiyo ot sporti federatsiyasi Bosh Assambleyasi Janubiy Koreyaning Seul shahrida, 2028-yilgi Bosh Assambleya esa Nepalda o‘tkazilishi tasdiqlandi.
Shuningdek, AEF vitse-prezidenti va Executive Board Members saylovlari 2027-yilda Seul shahrida bo‘lib o‘tadigan Bosh Assambleya doirasida o‘tkazilishi ma’lum qilindi.
