Osiyo belbog‘li kurash konfederatsiyasi va Sirdaryo viloyati sport boshqarmasi o'rtasidagi hamkorlik aloqalari yangi bosqichga olib chiqilmoqda
Osiyo belbog‘li kurash konfederatsiyasi va Sirdaryo viloyati sport boshqarmasi o'rtasidagi hamkorlik aloqalari yangi bosqichga olib chiqilmoqda
Guliston shahrida bo'lib o'tgan uchrashuvda Osiyo belbog‘li kurash Konfederatsiyasi Prezidenti Muminxuja Muratov, O‘zbekiston belbog‘li kurash federatsiyasi prezidenti Ravshan Dastirov, Sirdaryo viloyati hokimi o‘rinbosari Otabek Mavlonberdiyev hamda tegishli sport sohasi mas’ullari ishtirok etdi.
Uchrashuv davomida Sirdaryo viloyatida belbog‘li kurash sport turini yanada rivojlantirish, ushbu sport turining ommaviyligini oshirish hamda yoshlar o‘rtasida sog‘lom turmush tarzini targ‘ib etish masalalari atroflicha muhokama qilindi. Xususan, viloyatdagi tuman va shaharlarda faoliyat yuritayotgan sport maktablarida belbog‘li kurash seksiyalarini ko‘paytirish, ularning moddiy-texnik bazasini mustahkamlash hamda mashg‘ulotlar sifatini yaxshilash masalalariga alohida e’tibor qaratildi.
