«Oq Yoʻlbarslar» Toshkentga qaytdi
Andijon shahri mezbonligida oʻtayotgan futzal boʻyicha Oʻzbekiston milliy chempionati, Oliy liga musobaqasi 8-turi bugun oʻz nihoyasiga yetadi. Jamoamiz esa bu turdagi ikkinchi uchrashuvni kecha yakunlab, bugun poytaxtga qaytishdi. Endi esa bevosita tur doirasidagi bahslarga toʻxtalamiz.
8-tur doirasida dastlab, 10-fevral sanasida Toshkentning “Lokomotiv” jamoasiga qarshi uchrashuvda ishtirok etdik. Bu bahs BMB PFCning 5:0 hisobidagi gʻalabasi bilan yakunlandi. Oradan 2 kun oʻtgach esa “OKMK” jamoasiga qarshi muhim bahs boʻlib oʻtdi. Uchrashuvdagi yagona golga birinchi boʻlim yakunida Alex Dias mualliflik qildi va u gol muhim 3 ochkoni jamoamizga taqdim etdi.
Shu bilan “Oq Yoʻlbarslar” bu turni ham 100% lik natija bilan yakunlab turnir jadvalidagi yetakchilikni saqlagan holda eng yaqin ta’qibchilaridan 8 va 9 ochko ildamlab ketdi.
