Ommaviy sportga ilg‘or yondashuv: OTMlardagi sport klublari rahbarlari uchun seminar boshlandi
O‘zbekiston davlat jismoniy tarbiya va sport universitetida davlat oliy ta’lim muassasalaridagi sport klublari rahbarlari uchun o‘quv seminar kursining dastlabki kuni bo‘lib o‘tdi.
Ma’lumki, joriy yil 13 fevral kuni O‘zbekiston Respublikasi Prezidenti raisligida o‘tkazilgan videoselektor yig‘ilishida har bir oliygohda olimpiya sport turlari bo‘yicha klublar tashkil etish ustuvor vazifalar sifatida belgilangan edi.
Mazkur topshiriq ijrosini ta’minlash maqsadida Oliy ta’lim, fan va innovatsiyalar vazirligi hamda Sport vazirligi hamkorligida tashkil etilgan seminar ochilish marosimida bir qator rasmiylar — universitet rektori Rashid Matkarimov, Sport vazirligi mas’uli Mukim Arziqulov, OTFI vazirligi vakillari hamda Talabalar sport assotsiatsiyasi rahbariyati ishtirok etdi.
Seminarning ilk kunida tinglovchilar uchun sohaga oid dolzarb mavzularda ma’ruzalar o‘qildi.
