Og‘ir atletikachilarimiz Sochida: joriy yilgi ilk xalqaro o‘quv-yig‘in mashg‘ulotlari boshlandi
Xabar berganimizdek, O‘zbekiston erkaklar terma jamoasi joriy yil hisobidan ilk xalqaro o‘quv-yig‘in mashg‘ulotlarida ishtirok etish maqsadida Rossiya Federatsiyasi, Krasnodar o‘lkasi, Sochi shahriga jo‘nab ketgan edi. Terma jamoamiz a’zolari manzilga yetib borgach, belgilangan reja asosida mashg‘ulotlarni rasman boshlab yuborishdi.
Mazkur o‘quv-yig‘in mashg‘ulotlari og‘ir atletikachilarimizning joriy yilgi musobaqalar taqvimiga puxta tayyorgarlik ko‘rishida muhim ahamiyat kasb etadi. Yig‘in davomida sportchilarning texnik mahorati, jismoniy tayyorgarligi hamda umumiy sport formasi bosqichma-bosqich mustahkamlanishi ko‘zda tutilgan.
Eslatib o‘tamiz, Sochi shahrida tashkil etilgan xalqaro o‘quv-yig‘in mashg‘ulotlari 21-fevral sanasiga qadar davom etadi.
