Og'ir atletika. Yevropa chempionati–2026: ilk kun g‘oliblari aniqlandi, Batumida rekord va sensatsiya!
Gruziyaning Batumi shahri mezbonlik qilayotgan kattalar o‘rtasidagi Yevropa chempionatining ilk kuni ortda qoldi. Dastlabki kunda ayollar o‘rtasida -48 kg hamda -53 kg vazn toifalarida g‘olib va sovrindorlar aniqlandi.
-48 kg vazn toifasi natijalari:
1-o‘rin — Giulia Imperio (Italiya) — 176 kg (78 + 98)
2-o‘rin — Kateryna Malashchuk (Ukraina) — 172 kg (77 + 95)
3-o‘rin — Boyana Kostadinova (Bolgariya) — 169 kg (77 + 92)
-53 kg vazn toifasidagi bahslar chinakam sensatsiyaga aylandi. Musobaqa davomida asosiy e’tibor ruminiyalik Mixaela Kambeyga qaratildi. U dast ko‘tarish mashqida eng yaxshi natijani qayd etgan bo‘lsa-da, umumiy hisobda oltin medalni saqlab qola olmadi.
Hal qiluvchi lahzalarda belgiyalik Nina Sterks jasorat namoyish etdi: siltab ko‘tarishda dastlab 107 kgni ishonch bilan zabt etdi, 112 kgda esa muvaffaqiyatsizlikka uchradi. Shunga qaramay, u tavakkal qilib 116 kg buyurtma qildi va bu urinishni muvaffaqiyatli amalga oshirdi. Aynan shu urunish unga nafaqat g‘alaba, balki siltab ko‘tarish hamda umumiy hisobda — 210 kg natija bilan ikki yo’nalishda Yevropa rekordini yangilash imkonini berdi. Shu tariqa, keskin va murosasiz kurashlar yakunida Kambey ikkinchi o‘rin bilan kifoyalandi.
-53 kg vazn toifasi natijalari:
1-o‘rin — Nina Sterckx (Belgiya) — 210 kg (94 + 116)
2-o‘rin — Mihaela Valentina Cambei (Ruminiya) — 209 kg (95 + 114)
3-o‘rin — Cansel Ozkan (Turkiya) — 198 kg (92 + 106)
