Og'ir atletika. Navbatdagi manzil — Chirchiq! Prezident Olimpiadasi sport musobaqasi start olmoqda!
Shu yil 17-may sanasidan e’tiboran og'ir atletika bo'yicha ilk marotaba "Yangi O‘zbekiston Olimpiya cho‘qqilari" sport musobaqalari o‘tkazila boshlagan edi.
Uch bosqich (mintaqaviy (tuman-shahar), viloyat va Respublika) bosqichlaridan iborat kompleks musobaqaning barcha saralash bahslari yakuniga yetkazilib, Respublika final bosqich ishtirokchilari aniqlandi.
23-29-noyabr kunlari Toshkent viloyati Chirchiq shahrida 3-bosqich sifatida o‘tkaziladigan "Prezident olimpiadasi" sport musobaqalarining og’ir atletika bahslari bo‘lib o‘tadi. Ushbu nufuzli musobaqada yurtimizning barcha hududlaridan kelgan 300 dan ortiq o‘smir (U-17) yosh toifasidagi yigit-qizlar g‘oliblik uchun kuch sinashadi.
Ma’lumot o’rnida aytib o’tamiz, "Prezident olimpiadasi"da birinchi va ikkinchi o‘rinni qo’lga kiritgan sportchilar Respublika Olimpiya va Paralimpiya sport turlariga tayyorlash markaziga qabul qilinadi.
