Og'ir atletika. Gandinagarda qit’a bahslari boshlandi: O’zbekiston delegatsiyasi musobaqaga tayyor
Og'ir atletika bo'yicha Gandinagarda qit’a bahslari boshlandi: O’zbekiston delegatsiyasi musobaqaga tayyor.
O’zbekiston milliy terma jamoasi Hindistonda bo‘lib o‘tadigan kattalar o‘rtasidagi Osiyo chempionatida ishtirok etish uchun Gandinagar shahriga yetib bordi. Bugundan start olgan qit’aning eng nufuzli musobaqalaridan biri Osiyoning eng kuchli atletlarini bir maydonga jamladi.
Musobaqada yurtimiz sharafini himoya qiladigan sportchilar orasida tajribali atletimiz Adhamjon Ergashev ham bor. Delegatsiyamizning dastlabki chiqishlarini aynan Ergashev boshlab beradi. Hamyurtimiz 13-may kuni platformaga ko‘tariladi.
Osiyo chempionati har yili yuqori raqobat va murosasiz bahslari bilan ajralib turadi. Ushbu nufuzli musobaqada qit’aning eng kuchli atletlari medallar hamda yuqori natijalar uchun kurash olib boradi.
Ishonamizki, O’zbekiston terma jamoasi bu galgi Osiyo chempionatida ham o‘z mahorati va salohiyatini namoyish etib, muxlislarimizni munosib natijalar bilan quvontiradi.
