Odilxon va Erkebulan o‘rtasidagi mojaro shou emas — liga menejeri javob berdi
Octagon League’ning o‘zbekistonlik menejeri Parviz Abdumavlonov pop-MMA jangchilari Odilxon Kamolov va Erkebulan To‘ktar o‘rtasidagi so‘nggi nizoga o‘z munosabatini bildirdi. Ko‘plab muxlislar bu galgi to‘qnashuvni ularning ehtimoliy uchinchi jangi oldidan tashkil etilgan piar kampaniya sifatida baholadi. Ammo menejer bu fikrni rad etdi:
“Bu hech qanday shou emas. Ular orasidagi har bir tortishuv haqiqiy bo‘lgan. Shuncha xafagarchiliklar, murojaatlar, hatto jang darajasidagi vaziyatlar — bularning barchasi real holatlar. Oddiy piar uchun bunday qilmaydi odam. Uchinchi jang ular uchun zarur deb hisoblayman. Agar kelishuvlarga erishilsa, trilogiya O‘zbekistonda bo‘lib o‘tadi”, — dedi Parviz Fightback dasturida.
Eslatib o‘tamiz, aprel oyida Olma-Otadagi matbuot anjumani paytida Erkebulan To‘ktar Odilxon Kamolov bilan mojaroga kirishib, uni urgandi. Shu voqeadan so‘ng Octagon League ikki jangchini uch oyga diskvalifikatsiya qilgan.
Futbol
Bugun da 13:45
Futbol
Bugun da 13:05