Nursulton Ro‘ziboyevning navbatdagi raqibi va jang sanasi ma’lum bo‘ldi

Boshqa sport turlari 18 iyn 2025 da 00:39

Bakradze Iman

Redaktor

UFC rasmiy tarzda o‘zbekistonlik aralash jang san’ati ustasi Nursulton Ro‘ziboyevning navbatdagi jangi qachon va kimga qarshi bo‘lishini e’lon qildi. Hujumkor uslubi bilan tanilgan Ro‘ziboyev 17 avgust kuni AQShning Chikago shahrida bo‘lib o‘tadigan UFC 319 turniri doirasida oktagonga ko‘tariladi. Uning raqibi — amerikalik jangchi, The Ultimate Fighter 29 shousining g‘olibi Bryan Battle bo‘ladi.

Ma’lumot o‘rnida, Andijonda tug‘ilgan Ro‘ziboyev professional faoliyati davomida 47 ta jang o‘tkazgan. U 36 ta g‘alabaga erishgan, 9 marta mag‘lub bo‘lgan va 2 jang durang bilan yakunlangan. Bryan Battle esa 12 ta g‘alaba va 2 mag‘lubiyatga ega. U so‘nggi to‘rtta jangining barchasida zafar quchgan.

Turnirning markaziy jangi o‘rta vazn chempioni Dricus Du Plessis hamda da’vogar Xamzat Chimaev o‘rtasida o‘tishi kutilmoqda.