Nodirbek Abdusattorov 7-may kuni Buxarestdagi grand turnirni Aronyanga qarshi bahs bilan boshladi
7-may kuni Nodirbek Abdusattorov Buxarestdagi nufuzli shaxmat musobaqasida o‘z yurishini boshladi. Uning ilk raqibi — amerikalik Levon Aronyan bo‘ldi.
Ruminiya poytaxtida start olgan Superbet Chess Classic Romania turniri Grand Chess Tour 2025 doirasida o‘tkazilmoqda. Musobaqaning umumiy sovrin jamg‘armasi 350 ming AQSh dollarini tashkil etadi. Dunyo shaxmat elitasi qatorida Nodirbek Abdusattorov ham bosh sovrin uchun kurashmoqda.
Turnirning birinchi turida u Levon Aronyanga qarshi saf tortib, klassik formatda bellashdi.
Tur doirasida quyidagi o‘yinlar o‘tkaziladi:
Yan Kristof Duda - Fabio Karuana
Alireza Firuja - Maksim Vashye-Lagrav
Uesli So - Bogdan Dis
Levon Aronyan - Nodirbek Abdusattorov
Gukesh Dommaraju - Rameshbabu Praggnaanandha.
O‘yinlar Toshkent vaqti bilan soat 17:30da boshlandi.
