Navoiyda “Yangi O‘zbekistonning Olimpiya cho‘qqilari” gimnastika musobaqalarining zonal bosqichlari bo‘lib o‘tdi
Navoiy shahrida badiiy gimnastika bo‘yicha “Yangi O‘zbekistonning Olimpiya cho‘qqilari” musobaqasining navbatdagi bosqichi tashkil etildi. Unda Navoiy shahri, Qiziltepa, Karmana va Xatirchi tumanlaridan 15–17 yoshli iqtidorli gimnastikachi qizlar ishtirok etdi.
Shu bilan birga, Zarafshon, Uchquduq va Tamdi tumanlari gimnastikachilari o‘rtasidagi bosqich g‘oliblari ham aniqlandi. Barcha sovrinli o‘rinlarni Zarafshon shahri sportchilari egalladi. Eng yuqori natijani “Barkamol avlod” bolalar maktabi tarbiyalanuvchisi Shalola Boltaeva qayd etdi.
Musobaqalar yakunlangach, g‘olib va sovrindorlar tantanali tarzda taqdirlandi. Navoiy shahri gimnastika maktabi vakillari yana bir bor o‘z ustunligini namoyish etib, eng yuqori ballni Guzal Fayzullayeva jamladi.
