Nassurdin Imavov navbatdagi jangini qayerda oʻtkazishi mumkinligi maʼlum boʻldi
Fransiya sharafini himoya qilayotgan doʻgʻistonlik UFC jangchisi Nassurdin Imavov navbatdagi jangini 6-sentabr kuni Parijda boʻlib oʻtadigan turnirda oʻtkazishi mumkin. Bu haqda u ijtimoiy tarmoqda maʼlum qildi. Uning soʻzlariga koʻra, agar Drikus Du Plessis va Xamzat Chimaev oʻrtasidagi chempionlik jangida unga oʻrinbosar sifatida qatnashish talab qilinmasa, u holda Parijdagi turnirda oktagonga chiqadi.
“Men reytingdagi mavqeimni saqlab turishni emas, harakat qilishni istayman. 16-avgust kuni chempionlik jangiga tayyorgarlik koʻryapman. Agar jangchilardan hech biri turnirni tark etmasa, Parij uchun raqib topamiz. UFC bilan ana shunday kelishuv bor”, — deb yozdi Imavov.
Shuningdek, u chempionlikni qoʻlga kiritgan taqdirda Doʻgʻistonga borish haqidagi savolga ham javob qaytardi:
“Kamarni Doʻgʻistonga olib boramiz”, — deya vaʼda berdi jangchi.
