Namanganda voleybol musobaqasining final bosqichiga qur’a tashlandi
“Yangi O‘zbekiston – yoshlar ziyo maskani”da voleybol bo‘yicha “Maktabgacha va maktab ta’limi vaziri kubogi” musobaqasi final bosqichining qur’a tashlash marosimi bo‘lib o‘tdi.
Marosimda Maktabgacha va maktab ta’limi vaziri o‘rinbosari Farhod Boqiyev, Milliy olimpiya qo'mitasi Namangan viloyat direktori Azamjon Axmadaliyevlar ishtirok etib, hududiy bosqichlarda g‘oliblikni qo‘lga kiritgan ayol sportchilarga bahslarda omad va muvaffaqiyat tiladi.
Tadbir davomida musobaqani o‘tkazish tartibi, rasmiy voleybol qoidalari hamda xalqaro talablarga amal qilish yuzasidan ishtirokchilarga zarur tushuntirishlar berildi. Shundan so‘ng qura tashlash marosimi o‘tkazilib, final bosqichida o‘zaro bellashadigan jamoalar aniqlandi.
Eslatib o‘tamiz, bellashuvlar joriy yilning 2-iyul sanasidan boshlab “Pahlavon” sport majmuasida o‘tkaziladi.
