Namanganda taekvondo WT bo‘yicha Vodiy ochiq turniri boshlandi
Yakkakurash sport turlariga ixtisoslashtirilgan sport maktabida sportning taekvondo WT turi bo‘yicha yoshlar va kattalar o‘rtasida Vodiy ochiq turniri qizg‘in bahslar bilan davom etmoqda.
Mazkur musobaqada Namangan hamda Farg‘ona viloyatlaridan tashrif buyurgan iqtidorli sportchilar o‘zaro kuch sinashib, g‘oliblik uchun murosasiz bellashmoqda.
Turnirning asosiy maqsadi yosh iste'dodlarni aniqlash, sportchilar o‘rtasida tajriba almashish, taekvondo WT sport turini yanada ommalashtirish hamda sportchilarning mahoratini oshirishdan iborat.
Har bir uchrashuv sportchilarning yuksak tayyorgarligi, matonati va g‘alabaga bo‘lgan intilishini namoyon etmoqda. Musobaqa davomida eng kuchli sportchilar aniqlanib, g‘olib va sovrindorlar munosib taqdirlanadi.
