Namanganda Muaytay bo‘yicha O‘zbekiston kubogi bahslari davom etmoqda
Joriy yilning 4–9-avgust kunlari Namangan viloyatining Yangi Namangan tumanidagi "Pahlavon" sport majmuasi sportning Muaytay turi bo‘yicha o‘smirlar va kattalar o‘rtasidagi O‘zbekiston kubogi musobaqasiga mezbonlik qilmoqda.
Mazkur nufuzli musobaqada mamlakatimizning turli hududlaridan tashrif buyurgan eng kuchli muaytaychilar g‘oliblik uchun bahs olib bormoqda. Bellashuvlarda sportchilar o‘zlarining texnik mahorati, jismoniy tayyorgarligi va jangovar ruhini namoyish etib, O‘zbekiston kubogi sovrindorlari safidan joy olish uchun murosasiz kurash olib bormoqdalar.
Musobaqaning asosiy maqsadi yosh va istiqbolli sportchilarni aniqlash, ularning mahoratini oshirish, Muaytay sport turini yanada ommalashtirish hamda milliy terma jamoa uchun munosib zaxira sportchilarni saralashdan iborat.
