Namanganda Mahalla ligasi sport musobaqasiga tantanali start berildi
Namangan shahridagi “Barkamol avlod” sport majmuasida “Besh tashabbus olimpiadasi” doirasida 30 yoshdan yuqori aholi o‘rtasida o‘tkazilayotgan “Mahalla ligasi” sport musobaqasining ochilish marosimi bo‘lib o‘tdi.
Tadbirda viloyat hokimi o‘rinbosari Otabek Bozorov, viloyat Sport boshqarmasi boshlig‘i o‘rinbosari Faxriddin Yunusov, Mahallalar uyushmasi viloyat boshqarmasi vakillari, nuroniylar, mahalla faollari, murabbiylar hamda keng jamoatchilik ishtirok etdi.
“Mahalla ligasi” musobaqalari orqali mahallalarda sog‘lom turmush tarzini targ‘ib qilish, jismoniy faollikni oshirish va aholini ommaviy sportga keng jalb etish maqsad qilingan.
Musobaqalar mini-futbol, voleybol, stol tennisi, stritbol, vorkaut, shaxmat va shashka sport turlari bo‘yicha o‘tkaziladi.
