Namanganda Hokim Olimpiadasi va Paralimpiadasi musobaqalariga tantanali start berildi
Namanganda “Hokim Olimpiadasi va Paralimpiadasi” musobaqalariga tantanali start berildi!
Namangan shahridagi “Barkamol avlod” sport majmuasida “Prezident olimpiadasi”ning viloyat bosqichi ochilish marosimi yuqori saviyada bo‘lib o‘tdi.
Tantanali tadbirda viloyat hokimi o‘rinbosari Otabek Bozorov, Namangan viloyati Sport boshqarmasi boshlig‘i Akramjon Dedabayev, MOQ Namangan viloyati ijrochi direktori Azamjon Axmadaliyev, sport maktablari direktorlari, sport federatsiyalari rahbarlari, murabbiylar, yosh sportchilar hamda keng jamoatchilik vakillari ishtirok etdilar.
Ochilish marosimi davomida so‘zga chiqqan mutasaddilar “Prezident olimpiadasi” yoshlarni sportga keng jalb etish, ularning iste’dodi va mahoratini namoyon qilish, sog‘lom turmush tarzini targ‘ib etishda muhim ahamiyat kasb etayotganini alohida ta’kidladilar.
Shuningdek, mazkur musobaqalar yosh avlodni vatanparvarlik, matonat va g‘alabaga intilish ruhida tarbiyalashda muhim o‘rin tutishi qayd etildi.
Ta’kidlash joizki, “Hokim Olimpiadasi va Paralimpiadasi” musobaqalari viloyat bo‘ylab sportning 19 ta turi bo‘yicha tashkil etilib, unda minglab yosh sportchilar o‘zaro kuch sinashadilar.
Musobaqalar davomida eng iqtidorli sportchilar saralanib, keyingi bosqichlarga yo‘llanmani qo‘lga kiritadilar.
