Namanganda «Besh tashabbus Olimpiadasi» doirasida voleybol musobaqasi o’tkazildi
Mingbuloq tumanida “Besh tashabbus olimpiadasi” doirasida IIV kubogi uchun voleybol sport musobaqasining 16–21 hamda 22–30 yosh toifasidagi o‘g‘il bolalar o‘rtasida sektor bosqichi bellashuvlari bo‘lib o‘tdi.
Mazkur musobaqa yoshlar o‘rtasida sportni keng ommalashtirish, ularning jismoniy faolligini oshirish va sog‘lom turmush tarzini targ‘ib qilish maqsadida tashkil etildi.
Bellashuvlar davomida jamoalar g‘alaba uchun qizg‘in va murosasiz bahs olib bordi. Har bir uchrashuvda ishtirokchilarning jamoaviy o‘yini, chaqqonligi va sport mahorati namoyon bo‘ldi.
Musobaqa yakuniga ko‘ra: 16–21 yosh toifasida — Bozorboshi MFY jamoasi; 22–30 yosh toifasida — Qo'shqishloq MFY jamoasi g‘olib deb topildi.
Gʻolib jamoalar musobaqaning tuman bosqichiga yo‘llanmani qo‘lga kiritdi.
