Namangan viloyati Yangiqo‘rg‘on tumani 63-maktabda voleybol sport turi bo‘yicha “Qor ustida voleybol” musobaqasi tashkil etildi
Namangan viloyati Yangiqo‘rg‘on tumani 63-maktabda voleybol sport turi bo‘yicha “Qor ustida voleybol” musobaqasi tashkil etildi.
Mazkur sport tadbiri qish faslida sportchi qizlarning jismoniy tayyorgarligi, chidamliligi va irodasini oshirish, shuningdek, voleybolga bo‘lgan qiziqishni yanada kuchaytirish maqsadida o‘tkazildi.
Musobaqa davomida qizlar terma jamoasi ishtirokida qishki sharoitda mashg‘ulot olib borish bo‘yicha mahorat darslari ham tashkil etilib, sportchilarga sovuq ob-havoda to‘g‘ri harakatlanish, sog‘liqni asrash va texnik usullar bo‘yicha amaliy tavsiyalar berildi.
E’tiborlisi, ushbu musobaqa sportchi qizlarning o‘z xohish-istagi va tashabbusi bilan tashkil etilib, ularning sportga bo‘lgan muhabbati, faolligi va irodasi yana bir bor namoyon bo‘ldi.
Bunday tadbirlar yoshlar o‘rtasida sog‘lom turmush tarzini targ‘ib etish, sportni ommalashtirish va iqtidorli sportchilarni aniqlashda muhim ahamiyat kasb etadi.
