Maxsus maktab-internatlar o'quvchilari o'rtasidagi Besh tashabbus Paralimpiadasi yakunlandi
Toshkentdagi Olimpiya shaharchasida alohida ta’lim ehtiyojlari bo‘lgan bolalar uchun ixtisoslashtirilgan maktab-internatlari o‘quvchilari o‘rtasidagi "Besh tashabbus paralimpiadasi" sport musobaqalarining ikkinchi mavsumi Respublika final bosqichi nihoyasiga yetdi.
Musobaqada mamlakatimizning barcha hududlaridan jami 400 nafarga yaqin o'quvchi yoshlar para stol tennisi, para yengil atletika, para badminton shaxmat va shashka sport turlari bo‘yicha o‘zaro bahs olib borishdi. Yakunda Buxoro viloyati vakillari umumjamoa hisobida eng yaxshi natijani qayd etishdi.
Oltin. Buxoro viloyati
Kumush. Toshkent viloyati
Bronza. Andijon viloyati.
Musobaqaning tantanali taqdirlash marosimida O‘zbekiston Milliy Paralimpiya qo'mitasi, O'zbekiston adaptiv sport turlari assosiatsiyasi raisi Muxtorxon Tashxodjayev ham ishtirok etdi. Gʻolib va sovrindorlar tashkilotchilar tomonidan medal, kubok, maxsus diplom hamda qimmatbaho esdalik sovg‘alari bilan taqdirlandi.
