Maxachev uch oylik tanaffusdan soʻng vataniga qaytayotganini maʼlum qildi
34 yoshli, UFCning yarim oʻrta vazn toifasidagi (77,1 kg gacha) amaldagi chempioni, rossiyalik Islam Maxachev uch oy tanaffusdan soʻng uyga qaytayotganini maʼlum qildi.
«Uzoq bo‘ldim, uch oy uyda bo‘lmadim. Ertaga nihoyat uyga qaytaman, hammani ko‘raman. Aniq bir muddat uyda boʻlaman», — dedi Islam Maxachev.
Avvalroq Islam UFC 322 turniriga tayyorgarlik koʻrgan edi. Ushbu musobaqa oʻtgan hafta, 16 noyabrga oʻtar kechasi boʻlib oʻtdi. Unda Maxachev yarimoʻrta vazn (77 kg) chempionlik kamarini avstraliyalik Jek Della Maddalenaga qarshi himoya qildi. Jangda Maxachev bir ovozdan (50–45, 50–45, 50–45) gʻalaba qozondi.
Kecha, 22 noyabr kuni rossiyalik jangchi Doha (Qatar)da boʻlib oʻtgan UFC Fight Night 265 turnirida oʻz vatandoshlarini — Tagir Ulanbekov va Saygid Izagaxmayevni — qoʻllab-quvvatlash uchun keldi. Afsuski, ikkala sportchi ham magʻlubiyatga uchradi.
