Marjona Pardaboyeva: «Navbatdagi maqsadimiz 2026-yilgi yozgi Para Osiyo o‘yinlarida munosib ishtirok etish»
O'zbekiston para velosport milliy jamoasi yaqindagina Belgiyaning Ronse shahrida o'tkazilgan Jahon chempionatida muvaffaqiyatli ishtirok etib, Osiyo jamoalari orasidagi eng yaxshi natijani qayd etdi.
O'zbekiston Milliy Paralimpiya qo'mitasi axborot xizmati sovrindorlar qatoridan joy olgan Marjona Pardaboyevaning musobaqa haqidagi fikrlari bilan qiziqdi.
«Musobaqa kutilganidek o‘tdi. Yurtboshimiz tomonidan berilayotgan e’tibor, bizga yaratib berilgan shart-sharoitlar, murabbiylarimizning harakatlari, umuman olganda barchasi o‘z natijasini berdi.
Navbatdagi maqsadimiz 2026-yilgi yozgi Para Osiyo o‘yinlarida munosib ishtirok etish. Undan keyin esa to‘rt yillikning eng muhim musobaqasi Los-Anjeles 2028 yozgi Paralimpiya o‘yinlari bizni kutib turibdi»,- dedi Pardaboyeva.
