Marius Vizer IJF Prezidenti etib qayta saylandi

Boshqa sport turlari 12 iyn 2025 da 08:59

Nasrullo Karimov

Журналист

Ertaga Vengriya poytaxti Budapesht shahrida dzyudo boʻyicha kattalar oʻrtasidagi jahon chempionati start oladi. Musobaqadan avval Xalqaro dzyudo federatsiyasining (IJF) Kongressi oʻtkazilib, tashkilot rahbariyati va uning tarkibiy qismlari qayta shakllantirib olindi. Kongress davomida qabul qilingan qarorlar va musobaqa arafasidagi eʼtiborli voqeliklar:

– Marius Vizer oltinchi muddatga IJF Prezidenti etib saylandi;

– Oʻzbekiston dzyudo federatsiyasi raisi Azizjon Kamilov va Atlanta-1996 yozgi Olimpiya oʻyinlari kumush medali sohibi Armen Bagdasarov IJF Ijroiya qoʻmitasi tarkibidan joy olishdi. Shuningdek, A.Kamilov IJFning ta’lim boʻyicha direktori etib tayinlandi;

– Oʻzbekiston va Koreya Respublikasi dzyudo federatsiyalari oʻrtasida hamkorlik memorandumi imzolandi;

– Bugun jahon chempionatiga qurʼa tashlash marosimi oʻtkazildi. Ertadan erkaklar -60, ayollar -48 kg vazn toifalarida medallar uchun kurash olib borishadi.