Magomed Qurbonov ringga qaytmoqda: jang 5 iyul kuni Yekaterinburgda bo‘lib o‘tadi
Rossiyalik professional bokschi Magomed Qurbonov (26 g‘alaba, 1 mag‘lubiyat) birinchi o‘rta vazn (69,9 kg gacha) toifasida ringga qaytishini rasman e’lon qildi. Uning navbatdagi jangi 2025 yil 5 iyul kuni Yekaterinburg shahrida tashkil etiladi. Turnirni bokschining doimiy hamkori — RCC Promotions kompaniyasi o‘tkazadi.
Hozircha raqib nomi oshkor etilmagan, biroq Qurbonov atrofidagi manbalarga ko‘ra, u jahon darajasidagi raqib bo‘lib, rossiyalik sportchiga xalqaro sahnada yana o‘zini ko‘rsatish imkonini beradi.
Bu jang Qurbonov uchun o‘tgan yilning mart oyidagi og‘ir mag‘lubiyatdan so‘ng ilk chiqish bo‘ladi.
Eslatib o‘tamiz, uning yagona mag‘lubiyati 2024 yil mart oyida WBA versiyasi bo‘yicha jahon chempioni kamari uchun bo‘lgan jangda qayd etilgan. O‘shanda u o‘zbekistonlik yulduz Isroil Madrimovga qarshi jang qilib, beshinchi raundda texnik nokaut bilan yutqazgan edi. Bu natija ko‘plab boks muxlislari uchun kutilmagan hol bo‘lgan.
