Magnus chempion bo‘lgan turnirida Abdusattorov nechinchi o‘rinni egalladi?
Xorvatiya poytaxti Zagreb shahrida “Grand Chess Tour” turkumiga kiruvchi nufuzli Superunited Rapid & Blitz Croatia turniri yakunlandi. Ushbu bosqichda dunyo shaxmat yulduzlari — Magnus Carlsen, Fabiano Caruana, Gukesh Dommaraju va boshqalar qatori Nodirbek Abdusattorov ham ishtirok etdi.
Musobaqa ikki qismdan — rapid va blitz bahslaridan iborat bo‘ldi. Umumiy mukofot jamg‘armasi 175 000 AQSH dollarini tashkil qildi.
Blitz natijalari:
Nodirbek 18 ta partiya o‘tkazib, 9 g‘alaba, 5 durang va 4 mag‘lubiyat qayd etdi. 12 ochko to‘plab, qo‘shimcha ko‘rsatkichlarga ko‘ra 3-o‘rinni egalladi. Uning natijasi Wesley So bilan teng bo‘ldi (12 ochko), ammo So ikkinchi o‘rinni oldi. G‘olib — Magnus Carlsen, 12,5 ochko bilan.
Nodirbek oxirgi kuni Carlsen, Dommaraju, Saric, Praggnaanandhaa va Anish Girini mag‘lub etishga muvaffaq bo‘ldi.
Jami hisob (rapid + blitz):
Afsuski, rapid bahslaridagi omadsiz ishtirok natijada o‘z aksini topdi. Abdusattorov umumiy 18 ochko bilan 6-o‘rinni band etdi. Duda va Firouzja hisobida 19 tadan ochko bor. Agar Nodirbek blitzning so‘nggi turida Alireza Firoujjani mag‘lub etganida, ular o‘rni almashishi mumkin edi.
