Los-Anjeles Olimpiadasiga olib boruvchi Gran-pri musobaqalari taqvimi e'lon qilindi

Boshqa sport turlari 27 iyn 2025 da 00:37

Bakradze Iman

Redaktor

2026–2027 yillarda bo'lib o'tadigan va Los-Anjeles-2028 Olimpiadasiga saralash nuqtasi bo'lib xizmat qiladigan taekvondo bo'yicha WT Gran-pri musobaqalarining taqvimi e'lon qilindi.

Kelgusi yili Gran-pri bosqichlari Italiya poytaxti Rim, Koreya Respublikasining Mju va Fransiyaning Parij shaharlarida o'tkaziladi. Qozog'istonning Astana shahri esa Gran-pri finali va Butunjahon taekvondo federatsiyasining gala marosimiga mezbonlik qiladi.

2027 yilda esa Rim, Parij va Manchester shaharlari Gran-pri turkumiga qabul qilinadi. Final bosqichi Xitoyning Tayyuan shahrida bo'lib o'tadi. Shuningdek, Koreya Respublikasidagi Mju shahri “World Grand Prix Challenge 3” musobaqasini qabul qiladi.

Ushbu musobaqalar Olimpiya yo'llanmasi uchun muhim reyting ochkolarini taqdim etadi.