Lebron Jeyms faoliyatidagi 2000-oʻyinini oʻtkazdi
Milliy basketbol assotsiatsiyasi (NBA) pley-offining ikkinchi bosqichida “Los-Anjeles Leykers” va “Oklahoma-Siti Thunder” jamoalari toʻqnash keldi.
Qayd etilishicha, “Leykers”ning forvardi Lebron Jeyms uchun bu uchrashuv faoliyatidagi 2000-oʻyini boʻldi.
Jeyms 2003 yilda “Klivlend Kavalers” klubida professional faoliyatini boshlagan — bu jamoa uchun u 1001 ta oʻyinda ishtirok etgan.
“Los-Anjeles Leykers”da Lebron 546 ta oʻyin oʻtkazgan, “Mayami Xit”da — 381 ta, AQSh terma jamoasi safida esa 49 ta uchrashuvda qatnashgan va 23 marta Barcha yulduzlar uchrashuvida ishtirok etgan.
Lebron Jeyms NBAdagi 23-mavsumini oʻtkazmoqda. U NBAda eng koʻp ochko toʻplagan va eng koʻp mavsum oʻtkazgan rekordchi hisoblanadi.
2020 yilda Jeyms “Leykers” bilan NBA chempionligini qoʻlga kiritib, finalda “Mayami”ni 4−2 hisobida magʻlub etgan.
Joriy mavsumdan soʻng Jeymsning “Leykers” bilan shartnomasi tugaydi va erkin agentga aylanadi.
