Karate bo‘yicha Markaziy Osiyo chempionatida 19 ta medal!
Qirg‘iziston poytaxti Bishkek shahrida sportning karate WKF yo‘nalishi bo‘yicha “Championships-2025” Markaziy Osiyo chempionati qizg‘in tarzda davom etmoqda. Musobaqaning ikkinchi kunida kattalar terma jamoamiz a’zolari ham tatamiga chiqishdi va yuqori mahorat namoyon etishdi. O‘ta murosasiz va jangovar ruhda kechgan bellashuvlarda sportchilarimiz jami 19 ta medalni qo‘lga kiritishga muvaffaq bo‘lishdi.
Ushbu natija terma jamoamizning umumiy hisobida muhim o‘rin tutib, karate bo‘yicha yurtimizdagi tayyorgarlik darajasi va sportchilarimizning salohiyatini yana bir bor namoyon etdi.
Chempionat doirasida bellashuvlar bir necha yosh toifalarida o‘tkazilmoqda bo‘lib, unda O‘zbekiston sharafini himoya qilayotgan yoshlar, o‘smirlar va kattalar jamoalari faol ishtirok etmoqda.
