Kamondan otish bo‘yicha xalqaro turnir yakuniga yetdi
Respublika Olimpiya va Paralimpiya sport turlariga tayyorlash markazi qoshida faoliyat yuritayotgan “Olympic Club” tomonidan tashkil etilgan kamondan otish bo‘yicha xalqaro turnir yakuniga yetdi
Musobaqada Qirg'iziston, Qozog’iston,Tojikiston,Turkmaniston va O‘zbekistondan 80 dan ortiq sportchilar 18 metr masofadan miks va jamoaviy dasturlar bo‘yicha bahslarda ishtirok etib, o‘z mahoratini namoyish etdi.
Turnirning yopilish marosimida Respublika olimpiya va paralimpiya sport turlariga tayyorlash markazi direktori Abror Mamadaliyev so‘zga chiqib, mamlakatimizda kamondan otish sport turini rivojlantirish, yosh sportchilarni qo‘llab-quvvatlash va bunday nufuzli musobaqalarni muntazam o‘tkazish muhim ahamiyatga ega ekanligini ta’kidladi.
Shuningdek, g‘olib va sovrindorlar tantanali ravishda taqdirlandi.
