Kamondan otish bo‘yicha O‘zbekiston milliy terma jamoasi III MDH Yoshlar o‘yinlarida ishtirok etish uchun Ozarbayjonga jo‘nab ketdi
O‘zbekistonning kamondan otish bo‘yicha milliy terma jamoasi III Mustaqil Davlatlar Hamdo‘stligi (MDH) Yoshlar o‘yinlarida ishtirok etish maqsadida Ozarbayjonga jo‘nab ketdi. Mazkur sport turi bo‘yicha musobaqalar 2025 yilgi o‘yinlarning asosiy markazlaridan biri — Gyandja shahrida bo‘lib o‘tadi.
Terma jamoa tarkibida murabbiylar — Zakirijon G‘afurov va Ergashbek Azamov, sportchilar — Nilufar Hamroyeva, Bibixojar Yuldasheva, Malikaxon Anvarjonova, Bekzod Boborajabov, Muhammadali Karimberdiyev va Tigran Esanov.
Jamoa xalqaro musobaqalarda munosib ishtirok etishga puxta tayyorgarlik ko‘rgan va g‘alaba uchun qat’iy intizom bilan harakat qilmoqda.
O‘zbekiston terma jamoasi a’zolariga aniq nishon va muvaffaqiyat tilaymiz! Har bir o‘q – nishonga, har bir harakat – yurt sharafiga xizmat qilsin!
