Kamerunda fojia: Frensis Ngannu yo'l-transport halokatiga uchradi — 17 yoshli o'quvchi qiz vafot etdi
Kamerun poytaxti Yaoundeda og'ir fojia yuz berdi. UFCning sobiq og'ir vazn chempioni va hozirgi PFL superchempioni Frensis Ngannu yo'l-transport halokatiga aralashdi.
Ma'lumotlarga ko'ra, aralash jang san'ati jangchisi Ntsama Brijit Manuel ismli 17 yoshli qizga avtomashinasi bilan urib yuborgan. Qiz uyga qaytayotgan paytda hodisa sodir bo'lgan. CameroonOnline nashrining yozishicha, Ngannu vaziyatda o'zini yo'qotmasdan, jabrlanganni shaxsan shifoxonaga yetkazgan. Biroq ko'rsatilgan tibbiy yordamga qaramay, qiz jarohatlari og'irligi tufayli jarrohlik amaliyoti vaqtida vafot etgan.
Hozirda mahalliy hokimiyat organlari voqea yuzasidan tergov o'tkazmoqda. Manbalarga ko'ra, Ngannu sodir bo'lgan fojia sababli qattiq qayg'uga tushgan va marhumaning oilasiga yordam ko'rsatmoqda.
Boshqa sport turlari
Bugun da 15:37
Futbol
Bugun da 13:02
Boshqa sport turlari
Bugun da 12:28