Jizzaxda U-14 velosport boʻyicha Oʻzbekiston chempionati oʻtkazilmoqda

Boshqa sport turlari 04 may 2025 da 13:54

Ibrohim Jalolov

Redaktor

Oʻzbekiston Respublikasi Sport vazirligining tegishli buyrugʻiga asosan, joriy yilning 2-5-may kunlari Jizzax viloyatida shossey velosport boʻyicha kichik oʻsmirlar (oʻgʻil va qiz bolalar, U-14 toifasi) oʻrtasidagi Oʻzbekiston chempionati boʻlib oʻtmoqda.

Mazkur musobaqada respublikamizning barcha hududlaridan yetuk murabbiylar tayyorlagan iqtidorli yosh velosportchilar faol ishtirok etmoqda. Ular gʻalaba uchun kurash olib borish bilan birga, kelajak yulduzlarini namoyon etishga harakat qilishmoqda.

Jamoaviy miks poygasida 20 km masofaga, Toshkent shahridan ishtirok etgan sportchilarimiz Shoakmalov Shoakmal, Badalov Sardor, Abdusaidov Abdusobit, Karimova Imrona, Sailxanova Karina va Georgadaki Nika - 32 daqiqa 06 soniya natija bilan 3-oʻrinni qoʻlga kiritdilar.

Bundan tashqari, kichik yosh toifasidagi jamoamiz 10 km masofada 14 daqiqa 29 soniya koʻrsatkich bilan kunning eng yaxshi natijasini qayd etishga muvaffaq boʻldi.

Kecha boʻlib oʻtgan 15 km yakka masofadagi musobaqada esa:

1-oʻrin - Toshkent viloyati,
2-oʻrin - Samarqand viloyati,
3-oʻrin - Toshkent shahridan Shoakmalov Shoakmal hisobiga yozildi.