Jizzax viloyati Paxtakor tumanida zamonaviy dzyudo zali foydalanishga topshirildi
Jizzax viloyati Paxtakor tumanida yangidan qurilgan zamonaviy Dzyudo zalining ochilish marosimi bo‘lib o‘tdi.
Tadbirda Sport vaziri o‘rinbosari Shaxrillo Maxmudov, MOQ raisining birinchi o‘rinbosari Otabek Umarov, MOQ bosh kotibi Oybek Kasimov, Paralimpiya qo‘mitasi raisi Muxtorxon Tashxodjayev, tuman hokimi Husan Abduvohidov hamda dzyudo bo'yicha olimpiya o'yinlari, Jahon va Osiyo o'yinlari chempion hamda sovrindorlari ishtirok etishdi.
Ushbu zal zamonaviy talablarni inobatga olgan holda bunyod etilgan bo‘lib, erkaklar va ayollar kiyinish xonalari, dush, avtonom isitish tizimi, mashq uskunalari, jahonda sertifikatlangan ishlab chiqaruvchilarning tatamilari bilan jihozlangan.
Dzyudo zalining tantanali ochilish marosimida Sport vaziri o‘rinbosari Shaxrillo Maxmudov so'zga chiqib, mazkur yangi inshoot bilan tuman aholisi va yoshlarni muborakbod etdi.
Shuningdek, tadbir davomida Milliy Olimpiya qo‘mitasi raisining birinchi o‘rinbosari Otabek Umarov tomonidan yosh sportchilarni qo'llab-quvvatlash maqsadida estalik sovg'alari ulashildi.
