Javohir Sindarov 20-may kuni Tepe Sigeman 2025 turnirida start oladi
Bugun, 20-may kuni Shvetsiyaning Malmö shahrida shaxmat bo‘yicha nufuzli Tepe Sigeman 2025 turniri boshlanadi. Aylana tizimida tashkil etilgan ushbu musobaqada dunyoning taniqli grossmeysterlari qatorida hamyurtimiz Javohir Sindarov ham ishtirok etmoqda.
O‘zbekistonning ikkinchi raqamli shaxmatchisi bo‘lgan Sindarov musobaqadagi bosh sovrin uchun yana yetti nafar kuchli raqib bilan kuch sinashadi. Ular orasida yagona ayol ishtirokchi — Xitoy vakili, sobiq jahon chempioni Tan Chjun’i ham bor.
Turnir ishtirokchilari:
Javohir Sindarov (O‘zbekiston)
Richard Rapport (Vengriya)
Erwin L'Ami (Niderlandiya)
Ray Robson (AQSh)
Nils Grandelius (Shvetsiya)
Vasiliy Ivanchuk (Ukraina)
Yagiz Kaan Erdogmus (Turkiya)
Tan Chjun’i (Xitoy)
Qur’a natijasiga ko‘ra, 1-turda Sindarov qora donalarda aynan Tan Chjun’iga qarshi o‘ynaydi. Bahslar Toshkent vaqti bilan soat 18:00 da start oladi.
