Jahon chempionati sovrindori Boburmirzo Yoqubov Jizzaxda e’tirof etildi

Jizzax shahridagi “Kiber arena” sport majmuasida “Prezident olimpiadasi”ning viloyat bosqichiga tantanali ravishda start berildi. Bayramona ruh va yuqori kayfiyatda tashkil etilgan tadbir sportsevar yoshlar uchun unutilmas lahzalarga boy bo‘ldi.

Tadbir davomida sportning og‘ir atletika va boks yo‘nalishlarida jahon hamda Osiyo chempionatlarida yurtimiz sharafini munosib himoya qilgan chempion va sovrindorlar viloyat hokimligi tomonidan qimmatbaho sovg‘alar bilan rag‘batlantirildi.

Jumladan, yoshlar o‘rtasidagi jahon chempionati sovrindori Boburmirzo Yoqubov ham e’tirof markazida bo‘ldi. Bunday yuksak e’tibor va rag‘bat yoshlarning sportga bo‘lgan qiziqishini yanada oshirib, ularni katta marralar sari ruhlantirishi shubhasiz.

Ibrohim Jalolov

Redaktor