Isroil hujumlari oqibatida Eron padel terma jamoasi a'zosi halok bo'ldi
Boshqa sport turlari
Sports24.uz'ni Google'ga qo'shish
Rasm: gettyimages.com
Eronlik padel-tennischi Parsa Mansur Isroilning Eronga uyushtirgan hujumlaridan birida halok bo'ldi. Bu haqda Eron tennis federatsiyasining Telegram-kanali xabar berdi.
Eron tennis federatsiyasining jamoatchilik bilan aloqalar bo‘limi ma’lumotiga ko‘ra, juma, 13-iyun kuni ertalab Tehron va yana bir nechta shaharga qilingan hujumlar natijasida bir qator harbiy qo‘mondonlar, olimlar va fuqarolar vafot etgan. Ular orasida Parsa Mansur ham bo‘lgan. U mashg‘ulotdan so‘ng uyiga qaytayotgan edi.
«Tennis federatsiyasi ushbu fojiali voqea munosabati bilan chuqur afsusda ekanini bildiradi va marhumning yaqinlariga sabr va matonat tilaydi», — deyiladi rasmiy bayonotda.
Bakradze Iman
Redaktor