“Ichki ishlar vaziri kubogi” sohibi aniqlandi
“Besh tashabbus olimpiadasi” doirasida voleybol bo‘yicha “Ichki ishlar vaziri kubogi”ning erkaklar o‘rtasidagi 16–21 va 22–30 yosh toifalarida Respublika bosqichi nihoyasiga yetdi.
G‘oliblarni taqdirlash marosimida Sport vaziri Adham Ikramov, Ichki ishlar vaziri birinchi o‘rinbosari polkovnik Ayubxon Rahmatullaev hamda Yoshlar ishlari agentligi direktori o‘rinbosari Dilnoza Kattaxonova ishtirok etdi.
Qizg‘in va shiddatli bahslarga boy musobaqa natijalari quyidagicha:
16–21 yosh toifasida:
1-o‘rin — Toshkent shahri
2-o‘rin — Farg‘ona viloyati
3-o‘rin — Surxondaryo viloyati
22–30 yosh toifasida:
1-o‘rin — Toshkent shahri
2-o‘rin — Surxondaryo viloyati
3-o‘rin — Qashqadaryo viloyati
G‘olib va sovrindor jamoalar tashkilotchilar tomonidan diplom va esdalik sovg‘alari bilan taqdirlandi.
