Husanov do'stini yo'qotmoqda: De Bruyne \"Manchester Siti\"dan ketadi
2024/2025 yilgi mavsum yakunida “Manchester Siti” yarimhimoyachisi Kevin De Bruyne klubni tark etadi. Bu xabar jamoadagi yosh o‘zbekistonlik himoyachi Abduqodir Husanov uchun katta yo‘qotish hisoblanadi.
20 may kuni "Etihad" stadionida bo‘lib o‘tgan "Bornmut"ga qarshi so‘nggi uchrashuvda (3:1) muxlislar Kevinga hurmat va muhabbat bilan xayrlashdilar. Uning sharafiga stadion yaqinida haykal o‘rnatish rejalashtirilmoqda.
Pep Gvardiola va De Bruyne o‘rtasidagi yaqinlik jamoadagi hissiyotlarni yanada kuchaytirdi. Kevin esa muxlislarga minnatdorchilik bildirar ekan, kelajakda klubga boshqa vazifada qaytishini va’da qildi.
De Bruyne har doim yosh futbolchilar, jumladan Husanovni ham qo‘llab-quvvatlab kelgan. “Abduqodir "Chelsi"ga qarshi o‘yinda muhim vaziyatda maydonga tushdi va o‘zini ko‘rsata oldi,” deb ta’kidlagandi Kevin.
Husanov esa bugungi kunda “Manchester Siti”ning asosiy tarkibiga kirishga harakat qilmoqda va do‘sti ketishi uning yo‘lida katta sinov bo‘ladi.
