Hindistonda o‘q otish bo‘yicha o‘zbekistonlik sportchilar 5 ta medalga ega bo‘lishdi
Hindistonning Nyu-Dehli shahrida joriy yilning 2–14-fevral kunlari o‘q otish sporti bo‘yicha o‘tkazilgan Osiyo chempionatida ishtirok etgan milliy terma jamoamiz a’zolari yurtimizga qaytib keldilar.
Mazkur nufuzli musobaqada sportchilarimiz jami 5 ta medalni qo‘lga kiritdilar:
3 ta oltin va 2 ta kumush medal.
Shundan:
– yakkalik bahslarida 1 ta oltin;
– jamoaviy bahslarda 2 ta oltin va 2 ta kumush medal qo‘lga kiritildi.
Sportchilarimiz Toshkent xalqaro aeroportida Sport vaziri oʻrinbosari Shaxrillo Maxmudov, Mudofaa vaziri oʻrinbosari Alisher Narbayev, sportchilarning ota-onalari, keng jamoatchilik vakillari ishtirokida tantanali ravishda kutib olinib, kelgusida oʻtkaziladigan xalqaro musobaqalarda ularga yanada yuksak natijalar va zafarlar tilashdi.
