Hikaru Nakamura: “Jahon chempionligi uchun o‘ynash men uchun foydali bo‘lishiga ishonchim komil emas”
Hikaru Nakamura: “Jahon chempionligi uchun o‘ynash men uchun foydali bo‘lishiga ishonchim komil emas”
Hikaru Nakamura 2022-yilgi Nomzodlar turnirida Ding Lirenga mag‘lub bo‘lgani va jahon chempionligi uchun kurashish imkoniyatini qo‘ldan boy bergani haqida fikr bildirdi.
“Ding Lirenga qarang. Jahon chempioni bo‘lish bir tomondan ajoyib, boshqa tomondan esa uning uchun juda og‘ir kechdi. Men uchun ham bu qanchalik yaxshi bo‘lardi, bilmayman.
Albatta, jahon chempionligi uchun o‘ynashni istardim. G‘alaba qozonish imkoniyatim ham bo‘lardi. Ammo jiddiy tayyorgarlik sababli strim va kontent yaratishni ancha vaqtga to‘xtatishimga to‘g‘ri kelardi.
Ehtimol, olti oy davomida umuman kontent chiqarmasdim. Gap pulda emas. Shuncha vaqt tanaffus qilsangiz, algoritmlar sizni qattiq jazolaydi.
Tasavvur qiling, olti oy kontent yaratmayman, Nepomniachtchiga yutqazaman va qaytganimda YouTube kanalimga hech kim qiziqmay qo‘ygan bo‘ladi.
Jahon chempionligi uchun o‘ynashni juda xohlagan bo‘lsam-da, bu men uchun yaxshi bo‘larmidi, bilmayman. Dingning hayotiga qarang. Menimcha, chempionlikdan keyin uning hayoti butunlay yomon tomonga o‘zgardi”.
Sizningcha, Nakamura haqmi? Jahon chempionligi uchun kurashish olti oylik tanaffusga arziydimi?
