Gulruhbegim Tohirjonova: Bu mukofot men uchun ishonch ramzi

Boshqa sport turlari 03 iyl 2025 da 02:17

Bakradze Iman

Redaktor

30 iyun — Yoshlar kuni munosabati bilan Prezident Shavkat Mirziyoyev yoshlar va iqtidorli mutaxassislar bilan uchrashuv o‘tkazdi. Ushbu uchrashuvda ishtirok etgan va «Kelajak Bunyodkori» davlat mukofotiga sazovor bo‘lgan shaxmatchi Gulruhbegim Tohirjonova o‘z taassurotlari bilan o‘rtoqlashdi:

— «Bu mukofot men uchun katta sharaf va ulkan mas’uliyat ramzi. Kamtarona mehnatimni e’tirof etib, menga bunday yuksak baho berganlari uchun hurmatli Prezidentimizga chuqur minnatdorchilik bildiraman. Ushbu mukofot ishonch va hurmatning timsoli bo‘lib, Vatan ravnaqiga xizmat qilish yo‘lida yanada mas’uliyatli bo‘lishga undaydi. Yurtimiz iftixori bo‘lish uchun bor kuch va g‘ayratimni safarbar etaman!», — dedi Tohirjonova.

Eslatib o‘tamiz, 2025 yil boshida Gulruhbegim Tohirjonova AQSH terma jamoasidan chiqib, yana O‘zbekiston nomidan chiqishni boshlagandi.