Guliston tumanida Sport maktabi faoliyati samaradorligi va trenerlar mashg‘ulotlarining sifati tahlil qilindi
Trenerlar mas’uliyatini kuchaytirish yuzasidan aniq vazifalar belgilab olindi.
Boshqa sport turlari
Sports24.uz'ni Google'ga qo'shish
Фото: Сирдарё вилояти спорт бошқармаси
Sirdaryo viloyati hokimligining № 03-3-21-sonli yig‘ilish bayonnomasining uchinchi bandiga muvofiq Guliston tumani sport maktabining barcha xodimlari o‘rtasida ijtimoiy so‘rovnoma o‘tkazildi. So‘rovnoma natijalari asosida tahliliy yig‘ilish tashkil etildi.
Tahliliy yig‘ilish tuman hokimining o‘rinbosari Xurshid Chelibayev rahbarligida bo‘lib o‘tdi. Unda sport maktabidagi ijtimoiy muhit, mavjud muammolar, mashg‘ulotlar jarayonida yo‘l qo‘yilayotgan kamchiliklar hamda trener va murabbiylar tomonidan bildirilgan takliflar atroflicha muhokama qilindi.
Yig‘ilish davomida sport maktabi faoliyatini yanada samarali tashkil etish, mashg‘ulotlar sifatini oshirish va trenerlar mas’uliyatini kuchaytirish yuzasidan aniq vazifalar belgilab olindi.
Roziqjon Sultonmurodov
Jurnalist