Grek-rum kurashi. Yerevan gilamida yana bir muvaffaqiyat!
Armanistonning Yerevan shahrida bo‘lib o‘tgan Benur Pashayan Grek-rum kurashi bo‘yicha xalqaro turnirda O‘zbekiston terma jamoasi munosib ishtirok etdi.
Musobaqada Rossiya, Belarus, Gruziya, Eron, Norvegiya, Moldova, Finlyandiya, Polsha, Estoniya, Armaniston, AQSh va O‘zbekiston kabi kuchli kurash maktablariga ega davlatlar sportchilari bahs olib bordilar.
Sportchilarimizning natijalari:
-55 kg — Jasurbek Ortiqboev — 1-o‘rin
-55 kg — Xojiakbar Kuchkorov — 2-o‘rin
-60 kg — To‘xtaev Firuz — 3-o‘rin
-67 kg — Oybek Sharibjonov — 3-o‘rin
Jamoamizni musobaqaga murabbiylar Ravshan Ro‘zikulov va Rustam Kudratov tayyorladilar. Sportchilarimizning xalqaro maydondagi ushbu muvaffaqiyati yurtimiz grek-rum kurashi rivojiga qo‘shilgan navbatdagi munosib hissa bo‘ldi.
Barcha sovrindorlarimizni va murabbiylarimizni samimiy muborakbod etamiz! Kelgusi musobaqalarda ham ularga ulkan zafarlar tilaymiz!