Gandbol. Ikkinchi kunni ham g'alaba bilan boshladik

Boshqa sport turlari 23 apr 2025 da 15:05

Ibrohim Jalolov

Redaktor

Pokiston davlatining Faysalobod shahrida gandbol bo‘yicha U-17 va U-19 qizlar jamoalari o‘rtasida o‘tkazilayotgan Xalqaro gandbol federatsiyasi kubogining III - Markaziy Osiyo bosqichining ikkinchi kungi dastlabki o‘yini bo‘lib o‘tdi.

Unda O‘zbekiston U-17 va Turkmaniston U-17 terma jamoasi o‘zaro kuch sinashdi. Gandbolchilarimiz musobaqadagi asosiy raqibalarini ham dog‘da qoldirishdi, 39:20. Natijada, terma jamoamiz 4 ochko bilan U-17 birinchiligida yakka peshqadamga aylanib oldi.

Kunning so‘ngi uchrashuvida Pokiston U-19 -O‘zbekiston U-19 jamoalari bahs olib boradi.

Jamoalarimizga omad va g‘alabalar yor bo‘lsin!