Gandbol bo‘yicha yoshlar o‘rtasida O‘zbekiston chempionati bo‘lib o‘tdi
Joriy yilning 12–18-dekabr kunlari Termiz shahrida gandbol bo‘yicha 20 yoshgacha bo‘lgan yigit va qizlar o‘rtasida O‘zbekiston chempionati o‘tkazildi.
Musobaqa O‘zbekiston Respublikasi Sport vazirligi, Oliy ta’lim, fan va innovatsiyalar vazirligi, O‘zbekiston gandbol federatsiyasi hamda Surxondaryo viloyati hokimligi mas’ulligida tashkil etildi.
Bellashuvlarda Qoraqalpog‘iston Respublikasi, Toshkent shahri va yurtimizning barcha viloyatlaridan kelgan yosh gandbolchilar o‘zaro bahs olib bordilar. Qizg‘in va hayajonli kechgan musobaqalarning final bosqichi ham murosasiz kurashlarga boy bo‘ldi.
Yigitlar o‘rtasida:
1-o‘rin — TerDU talabalaridan iborat Surxondaryo jamoasi
2-o‘rin — Toshkent shahri jamoasi
3-o‘rin — Qoraqalpog‘iston Respublikasi jamoasi
Qizlar o‘rtasida:
1-o‘rin — Samarqand viloyati jamoasi
2-o‘rin — Xorazm viloyati jamoasi
3-o‘rin — Qoraqalpog‘iston Respublikasi jamoasi
Musobaqa yakunida g‘olib va sovrindor jamoalar tashkilotchilar tomonidan munosib tarzda taqdirlandilar.
