Futzal. TDPU — chempion!

Boshqa sport turlari 05 iyn 2025 da 14:50

Ibrohim Jalolov

Redaktor

"Talaba qizlar ligasi" musobaqasining final bellashuvi yakunlandi.

Bosh sovrin uchun bahsda Toshkent davlat pedagogika universiteti hamda O‘zbekiston davlat jismoniy tarbiya va sport universiteti jamoalari kurash olib bordi.

Murosasiz kechgan o‘yinning dastlabki qismida O‘zbekiston davlat jismoniy tarbiya va sport universiteti qizlari faolroq harakat qilishdi va bir necha bor raqib darvozasiga xavf solishdi.

Ammo TDPU darvozaboni Sevinch Davletbayeva ishonchli harakat qildi va hattoki penaltidan amalga oshirilgan zarbani ham bartaraf etishga muvaffaq bo‘ldi. Bundan ruhlangan jamoadoshlari sekin-asta o‘zlariga kelishdi va qarshi hujumga o‘tishdi. Natijada, Sarvinoz Hayrullayeva va Dildora Xushboqova (dubl) raqib darvozasini ishg‘ol etib, jamoasining yirik g‘alabasini ta’minladi.

"Talaba qizlar ligasi"
Final
TDPU - O‘zDJTSU - 3:0
Gollar: Sarvinoz Kamoljonova, Dildora Xushboqova (2ta).