Futzal. Oliy liga 7-tur uchrashuvlari Toshkent shahrida bo‘lib o‘tadi
Mamlakat milliy chempionati — futzal bo‘yicha Oliy liganing 7-tur uchrashuvlari taqvimi tasdiqlandi. Unga ko‘ra, mazkur tur bahslari 2026-yilning 7–12-yanvar kunlari Toshkent shahrida bo‘lib o‘tadi. Uchrashuvlarga “Yunusobod” sport majmuasi mezbonlik qiladi.
Ta’kidlash joizki, chempionat bahslari turdan turga muxlislar e’tiborini tobora ko‘proq tortib bormoqda. Har bir jamoa maydonga faqat g‘alaba ishtiyoqida tushayotgani qiziqarli va murosasiz o‘yinlar sonining ortishiga sabab bo‘lmoqda. Musobaqa jadvalining yuqori va quyi pog‘onalaridagi jamoalar o‘rtasida kechayotgan “olti ochkolik” uchrashuvlar o‘zining shiddati va keskinligi bilan futzal ishqibozlariga manzur bo‘lmoqda.
7-turda ham futzal ixlosmandlari BMB, SQB, OKMK, "Lokomotiv" hamda “Nasaf” jamoalarining o‘zaro to‘qnashuvlarini katta qiziqish bilan tomosha qilishlari aniq.
